De natura acidorum

<81r>

De natura Acidorum
written by M^r Newton's hand

Acidorum particulæ sunt aqueis crassiores et propterea minus volatiles at {sic} terrestribus multo subtiliores & propterea multo minus fixæ. Vi magna attractiva pollent & in hac vi consistit earum activitas, qua et corpora dissolvunt & organa sensuum agitant ac pungunt. Mediæ sunt naturæ inter aquam et corpora, & utraqꝫ attrahunt. Per vim suam attractivam congregantur circum particulas corporum seu lapideas feu med|t|allicas; ijsqꝫ undiqꝫ adherent arctissime, ut ab ijsdem deincep{illeg}|s| per destillationem vel sublimationem separari vix possint. Attracti verò et undiqꝫ congregati elevant, dis{illeg}|j|ungunt ac discutiunt particulas corporum ab invicem, id est, corpora dissolvunt: Et per vim attractionis qua ruunt in corpora commovent fluidum & calorem exi|c|itant, particulasqꝫ nonnullas adèo discutiunt ut in aerem converant & bullas generent: Et hæc est ratio dissolutionis et fermentationis violentæ. Acidum verò attrahendo aquam æque ac particulas corporum efficit ut particulæ dissolutæ prompte misceantur cum aqua, eiqꝫ innatent ad modum salium. Et quemadmodum globus terræ per vim gravitatis attrahendo aquam fortius quàm corpora leviora, efficit ut leviora ascendant in aqua et fugiant a terra; sic particulæ salium attrahendo aquam, fugarit se mutuò, et ab invicem quàm maximè recedendo, per aquam totam expanduntur.

Particulæ salis Alkali ex terreis et acidis similiter unitis consta{nt} sed hæ acidæ {illeg} vi maxima attractiva pollent, ut per ignem non separentur ad invicem a s{illeg}|a|le utqꝫ metalla dissoluta præcipitent attrahendo ab ipsis particulas acidas quibus dissolvebantur.

Si particulæ acidæ in minori proportione cum terrestribus jungantur, tam aretè retinentur a terrestribus ut ab ijs supprimi et{illeg} occultari videantur. Neqꝫ enim sensum jam pungunt, nec aquam attrahunt sed corpora dulcia et quæ cum aqua ægre miscentur, hoc est pinguia componunt ut fit in mercuri{illeg}|o| dulci sulphure communi, Luna Cornea & cupro quod Mercu{illeg}|r|ius sublimatus corrosit. Ab acidi vero sic suppressi vi attractiva fit ut pinguia corporibus prope universis adhæreant & flammam facile concipiant, si modo acidum calefactum inveniat alias corporū {in} fumo accensorum quæ particulas quas fortius attrahat quam proprias. Sed et acidium in Sulphureis suppressum fortius attrahe{ndo} particulas aliorum, corporum \Sc. terreas/ quam proprias <81v> fermentationem lentam et naturalem ciet {illeg}|&| fovet usqꝫ ad putrefactionem compositi, quæ putrefactio sita est in eo quod Acidæ fermentationem diu soventes tandem in interstitia minima Et partes 1^a composi^ois interjacentia sese insinuant, intimèqꝫ ijs partibꝰ unitæ mixtionem novam efficiunt non amovendam nec cum priore commutandam.

Nota quod a chimicis dicitur oia fieri ex Sulphure et Mercurio id verum esse Quia illi per sulphur significant Acidum, et terram per Mercurium.

Nota, Aquam Marinam non amittere suam Salsedinem transcolatione per arenam: Sed aquam dulcem in littore inventam provenire a sua fluvialis arenas perreptantibus &c